Егінсу ауылдық округінде 55 жылдан кейін алғаш рет күрделі жөндеуден өткен мәдениет үйі көзайым көрермендер үшін есігін қайта айқара ашты, деп хабарлайды Altainews.kz тілшісі. 

Іргесі 1959 жылы қаланған Ұлан ауданындағы Ұлан ауылының мәдениет үйі  «Ауыл – ел бесігі» бағдарламасы аясында күрделі жөндеуден өтіп, Республика күніне орай салтанатты түрде қайта ашылды. 

Іс шараға қатысқан аудан әкімінің орынбасары Ринат Болатқан тұрғындарды айтулы мерекемен құттықтап, қуанышымен бөлісті. 

Мәдениет үйінің өнерпаздары ән-шашуларын арнап, жиналған қауымға мерекелік  көңіл-күй сыйлады. 

Бұдан бөлек,  Ұлан ауылында «Бірқабатты Шығыс» бағдарламасы аясында алты отбасы баспаны болды. Сонымен қатар,  «Жол жылы» аясында Ұлан ауылындағы көше жолдарына алғаш рет асфальт төселді. 

                                                                                                                                                           Ақерке Рағызбаева