«Мемлекеттік көрсетілетін қызметтер туралы» Қазақстан Республикасының Заңының 5-бабының 2-тармағына сәйкес, мемлекеттік органдар көрсететін қызметтер оларды көрсету тәртібін анықтайтын заңға тәуелді актілерге сәйкес болуы тиіс. Қызмет алушылардан Қағидаларда көрсетілмеген құжаттарды, сондай-ақ ақпараттық жүйелерден немесе цифрлық құжаттар сервистерінен алуға болатын мәліметтерді талап етуге жол берілмейді.

Шығыс Қазақстан облысында осы талаптың орындалуына байланысты оң динамика байқалады. 2017 жылы Мемлекеттік қызмет істері департаментінде артық құжаттарды талап етудің 79 жағдайы тіркелген болса, 2023 жылы тек 2 жағдай ғана анықталды.

Дегенмен, 2024 жылы мемлекеттік орган қызметкері негізсіз бас тартқаны үшін әкімшілік жауапкершілікке тартылды. Бұл жағдай кезінде, ЭЦҚ арқылы куәландырылған өтінішке қарамастан, мемлекеттік орган өз қолымен жазылған өтінішті талап етіп, қызмет көрсетуден бас тартқан болатын.

Егер мемлекеттік қызметтерді алу кезінде құқықтарыңыз бұзылса, Сіз Өскемен қаласы, Назарбаев даңғылы, 4 мекенжайына немесе 8-7232-76-50-88 телефонына хабарласа аласыз. Сонымен қатар, Telegram қосымшасында «EgovKzBot2.0» платформасында «Уәкілетті органға жүгіну» батырмасын қолдануға болады.