Нұрымбет Сақтағанов: "Бюджет заңнамасының орындалуы қатаң қадағалануы тиіс!"
Мемлекеттік құрылымдардағы жемқорлық тәуекелдері күн тәртібіндегі мәселеге айналды. Шығыс Қазақстан облысында 120 кәсіпкер жалған анықтама жасап, ет сатқан. Облыстық әкімдікте өткен жиынға қатысқан Сыбайлас жемқорлыққа қарсы іс-қимыл агенттігінің Шығыс Қазақстан облысы бойынша департаментінің превенция басқармасының басшысы Архат Бейсембаев осылай деді.
– Ет сату үшін мал дәрігерінен анықтама алынады. Облыстағы бір ғана ауданда қосымша күштеп-мәжбүрлеу арқылы кәсіпкерлерге 120 анықтама жасалынған. Бұл өз кезегінде ет өнімдерінің қымбаттауына әкеліп соқты. Алдағы уақытта мұндай келеңсіз жағдайлар орын алмас үшін тиісті шаралар қолданылмақ, – деді Архат Бейсембаев.
Жиын барысында облыс әкімінің бірінші орынбасары Нұрымбет Сақтағанов жауапты сала мамандарының баяндамаларын тыңдап, жемқорлықтың алдын алу шараларын күшейтуді тапсырды.
– Бюджет заңнамасының орындалуын қатаң қадағалап, жемқорлық тәуекелдерін азайту қажет, – деді Нұрымбет Аманұлы.
Ажар Сағатбекова
Оқи отырыңыз
