Өскеменде егде жастағы адамдар арасында «Қазақша Quiz» ойыны өтуде. Оған жеті команда қатысып, білімдерін сынауда. Айта кетейік, бұл зияткерлік ойынды «Туған жер – алтын бесігім» жобасы аясында Тарбағатай ауданының әкімдігі ұйымдастырған.

«Қазақша Quiz» ойынына Өскемен қаласы мен Тарбағатай, Ұлан, Глубокое аудандарынан зейнеткерлер қатысуда. Ойынның ашылу салтанатында аудан әкімі Дархан Жөргекбаев қатысушыларға жылы лебізін білдіріп, сәттілік тіледі.

Тарбағатай ауданы әкімінің орынбасары Болатбек Мамырбаевтың айтуынша, «Қазақша Quiz» барысында қатысушыларға тарих, әдет-ғұрыптар мен дәстүрлерге байланысты сұрақтар қойылмақ.

Ойынға қатысушылардың бірі – Сәкен Нұрмұхамедов. Өзі Тарбағатай ауданының тумасы, бүгінде облыс орталығында тұрады.

 «Қазақша Quiz» ойынының қорытындысы бойынша бірінші орынды “Ардагерлер” командасы иеленді. Екінші орын “Зерде” командасына бұйырды. Үшінші орынға “Ұлан өрендері” лайық деп танылды. Ал қалған қатысушыларға алғыс хаттар табысталды.

Ажар Сағатпекова

Фото: Аяужан Утеулинова