10 қараша Цифрландыру және ақпараттық технологиялар күніне орай Шығыс Қазақстандағы  телекоммуникация саласын дамытып жүрген мамандар марапатталды, деп хабарлайды Altainews.kz тілшісі. 
Қазақстан БҰҰ электрондық үкіметті дамыту жөніндегі рейтингінде көш бастап тұр. Сонымен қатар, елдегі онлайн-қызметтер көрсетудің сапасы да жоғары. Мұның барлығы ақпараттық технологиялар саласындағы мамандардың қажырлы еңбегінің арқасында. 
 Цифрландыру және ақпараттық технологиялар күніне орай облыстың телекоммуникациялық инфрақұрылымын дамытуға үлес қосқан қызметкерлер ШҚО әкімі Ермек Көшербаевтың және ШҚО әкімінің бірінші орынбасары Нұрымбет Сақтағановтың алғыс хаттарымен марапатталды. 

Айта кету керек, өңірдегі 357 елді мекеннің 202-сі мобильді интернетпен қамтамасыз етілген. Бұл халықтың жалпы санының 96%-ын құрайды.

Ақерке Рағызбаева 
Фото: ШҚО цифрландыру және архивтер басқармасының баспасөз қызметінен