Қазақстан Республикасы мәслихатының 30 жылдығы және «AMANAT» партиясының 25 жылдығына орай, Самар ауданында жасөспірімдер арасында еркін күрестен ашық аудандық турнир өтті, деп хабарлайды Altainews.kz.

Турнирге 2011-2014 жылдары туған Шығыс Қазақстан және Абай облыстарынан келген 185 жас спортшы қатысты. Жалпы 13 команда бақ сынасты. Іс-шараны ұйымдастырушы – Самар ауданының балалар-жасөспірімдер спорт мектебінің директоры Жандос Серіков, ал бас төреші Еркін күрестен жаттықтырушы Еркебұлан Махадиев болды.

Жарысқа қатысушыларды құттықтауға Самар ауданы мәслихатының төрайымы Гүлнар Шаймарданова және «AMANAT» партиясы Самар аудандық филиалының төрайымы Айнұр Отаршина келді.

Кешке дейін жалғасқан сайыс нәтижесі бойынша жалпы командалық есепте жүлделі орындар төмендегідей бөлінді: 1-орын – Самар ауданы, 2-орын – Зайсан ауданы, 3-орын – Глубокое ауданы.