Самарда жас палуандар белдесті
Самар ауданының Құлынжон ауылында құрметті ұстаз, күрестен республикалық жарыстардың жүлдегері Дәулетқан Қасымжанұлын еске алуға турнир өтті.
Боз кілемде 120-ға жуық жасөспірім спортшы белдесті, деп хабарлайды Altainews.kz тілшісі.
Жарыс аудандық деңгейде ұйымдастырылғанымен, Абай облысының Көкпекті ауданынан келіп бақ сынаған жас балуандар да болды.
– Жарыс өте тартысты өтті. Бапкерлері де шәкірттерін мықтап баптап әкеліпті. Ауданымызда спорттық жарыс түрлерін дамытуға баса назар аударып отырмыз. Осы ауылда 2023 жылы тұңғыш рет еркін күрестен үйірме аштық. Мақсатымыз – ауыл балаларына қаладағыдай жағдай жасау. Балалар бос уақытында спорттың кез келген түрімен айналыса алуы керек, – дейді Самар ауданы балалар және жасөспірімдер спорт мектебінің директоры Жандос Серікұлы.
Іс-шара соңында кіл мықтылар анықталып, жеңімпаздар марапатталды.
Оқи отырыңыз
