Самар ауданында Балалар және жасөспірімдер спорт мектебінің ұйымдастыруымен 2011-2019 жылы туған балалар арасында тұңғыш рет жүзуден жарыс өтті, деп хабарлайды Altainews.kz сайтының тілшісі.

Аудан деңгейінде өткен жарысқа 50-ге тарта жасөспірім қатысты. Тартысты өткен бәсекеде жас спортшыларымыз бар өнерін салды. Спорт мектебінің директоры Жандос Серікұлының айтуынша, балалар осыған дейін де аудандық, облыстық жарстардан жүлделі оралып жүр.

Жарыс басталмас бұрын қатысушыларға тәттілер таратылып, бапкерлері сәттілік тіледі. Жас спортшылар үш түрлі әдіспен жүзді: біріншісі - еркін жүзу, екіншісі - брасс, үшіншісі - шалқалап жүзу.  

Балалар судағы балықтай бассейнде еркін жүзді. Жарыс соңында жеңімпаздар медальмен марапатталды.

Осылайша, Самар ауданының спортшылары спорттың барлық түрі бойынша ілгерілеп келеді.