2021 жылдан бері "Аңсаған сәби" мемлекеттік бағдарламасы аясында Шығыс Қазақстан облысында ата-ана болуға 1 509 мүмкіндік берілді. Нәтижесінде 570-тен астам бала дүниеге келді, деп хабарлайды Altainews.kz тілшісі.

Касым Қайсенов ауылының тұрғыны Рауангүл Мусрабиева - бір жарым жылдан бері егіз ұлдары Ерасыл мен Нұрасылдың бақытты анасы. Көптен күткен және дені сау балалар экстракорпоралды ұрықтандыру арқылы дүниеге келген.

Қазіргі таңда Шығыс Қазақстан облысында 32 отбасы ЭКО кезегінде тұр. "Аңсаған сәби" бағдарламасына қатысу үшін күрделі талаптар жоқ.

Содан кейін өз емханасындағы учаскелік дәрігерге жоғары технологиялық медициналық қызметтер комиссиясының қорытындысын алу үшін жүгінуі қажет.

Учаскелік дәрігер бедеулікпен диспансерлік есепке алынған пациентті электрондық тіркеуге енгізеді. Бір жыл ішінде қажетті тексерулерден өткеннен кейін, арнайы маманның қорытындысы негізінде ЭКО қажеттілігі туралы шешім қабылданады. Оң шешім шыққан жағдайда, пациент құжаттарымен бірге Госпитализация бюросының порталына тіркеледі және көрсетілетін қызметтің уақыты белгіленеді.

ШҚО Денсаулық сақтау басқармасының баспасөз қызметінің хабарлауынша, МӘМС жүйесінде сақтандырылған барлық облыс тұрғындары жүктілікке дейінгі дайындықтан тегін өте алады. Бұл кез келген отбасы үшін ең маңызды оқиға – дені сау баланың дүниеге келуін шын мәнінде қуанышты сәтке айналдыруға көмектеседі.

Фото: ШҚО Денсаулық сақтау басқармасы