Алаяқтан сақ болайық: ШҚО полицейлері жаңа тәсілді іске қосты
Шығыс Қазақстан облысында полиция қызметкерлері киберқылмыстың алдын алуға бағытталған ерекше жобаны іске қосты. Енді сүт өнімдерінің қаптамаларында «Алаяқтардан сақ бол» деген жазуы бар арнайы QR-кодтар орналастырылып жатыр, деп хабарлайды Altainews.kz тілшісі Polisia.kz порталына сілтеме жасап.
QR-кодты сканерлеу арқылы тұтынушылар ШҚО полиция департаментінің ресми парақшасына өтіп, интернет алаяқтарынан қорғануға көмектесетін маңызды ақпаратпен таныса алады.
– Біздің мақсатымыз – қауіп жөнінде әрбір отбасыны хабардар ету. Біз күнделікті тұтынылатын өнімдер арқылы әрекет етудеміз. Бұл – қарапайым, ыңғайлы әрі тиімді тәсіл, – деді ШҚО ПД Киберқылмысқа қарсы іс-қимыл басқармасының бастығы Дамир Камалханов.
Полиция өкілдерінің айтуынша, бұл бастама тұрғындардың цифрлық сауаттылығын арттырып, интернет алаяқтарының арбауына түсіп қалмауға көмектеседі. Жоба аясында QR-кодтар басқа да күнделікті тауарларға енгізілуі мүмкін.
Оқи отырыңыз
