25 мамырда сағат 07:35-те ҚР Төтенше жағдайлар министрлігі «Сейсмология ғылыми-зерттеу орталығы» ЖШС сейсмикалық станциялар желісі Ресей аумағында болған жер сілкінісін тіркеді.

Жерасты дүмпуінің координаттары: солтүстік ендік бойынша 50.320°, шығыс бойлық бойынша 88.020°. Жер сілкінісінің ошағы Алматы қаласынан солтүстік-шығысқа қарай 1162 шақырым қашықтықта орналасқан.

Алдын ала есептеулер бойынша, дүмпу күшінің қарқындылығы келесі деңгейде сезілді:

Өскемен қаласында – 2 балл
Катонқарағай ауылында – 2 балл

Жер сілкінісі салдарынан қирау немесе зардаптар туралы ақпарат тіркелмеді.

Мамандардың айтуынша, мұндай әлсіз дүмпулер адам денсаулығына қауіпті емес, алайда сейсмикалық бақылаулар тұрақты түрде жүргізіліп отырады.