Бесқарағай ауылындағы автостанса жыл аяғына дейін пайдалануға беріледі. Бұл туралы аудан әкімі әлеумет желісіндегі парақшасында хабарлады.
– Бесқарағай ауылында автостанса ғимаратында жөндеу жұмыстары қарқынды жүргізіліп жатыр. Бүгінгі күні ғимаратқа электр және сумен жабдықтау жүргізілді, жылу қосылды, терезелер мен есіктер ауыстырылды, екі септик орнатылды. Күту залы және кассаға арналған жұмыс кабинеті жөнделді. Енді ішкі әрлеу жұмыстары қалды. Жоспарға сәйкес нысан ағымдағы жылдың соңына дейін пайдалануға беріледі, – дейді Шалқар Байбеков.