Қазақстан Президенті Түркия басшысын жарқын жеңісімен құттықтады
Фото: ҚР Президенті баспасөз қызметі
Мемлекет басшысы Қасым-Жомарт Тоқаев Режеп Тайип Ердоғанды Түркияда өткен президент сайлауының екінші кезеңіндегі жарқын жеңісімен құттықтады.
Бұл жөнінде Президент өзінің Twitter-дегі парақшасында жазды, деп хабарлайды Altaynews тілшісі.
"Елдерімізді тарихи достық және ынтымақтастық байланыстар біріктіреді. Осы жан-жақты ынтымақтастық стратегиясы одан әрі дами береді", – деп жазылған Президенттің құттықтауында.
Еске салайық, жексенбі, 28 мамырда Түркияда президент сайлауының екінші кезеңі өткен болатын. Түркияның қазіргі іс басындағы басшысы Режеп Тайип Ердоған – 52,14 пайыз, ал оппозициялық Халық-республикалық партиясының көшбасшысы Кемаль Кылычдароглу – 47,86 пайыз дауыс жинады.
Оқи отырыңыз
