Облыс орталығында өрт сөндірушілер оқу-жаттығу өткізеді.

Оқу-жаттығу кезінде жоғары қабаттардағы өртті сөндіруге арналған техникалар қолданылады, деп хабарлайды Altaynews тілшісі.

«Өскемен қаласында 7 тамыз күні сағат 16:00-де ШҚО ТЖД өрт сөндірушілері Сәтбаев даңғылы, 55/11 мекенжайындағы көпқабатты үйде оқу-жаттығу өткізеді» - деп мәлімдеді ШҚО ТЖД баспасөз қызметі.

Төтенше қызмет өкілдері тұрғындарды дүрбелеңге бой алдырмай, қауіпсіздікті қамтамасыз етуге бағытталған іс-шараға түсіністікпен қарауға шақырады.