ШҚО-ның 13 спортшысы Париж Олимпиадасына лицензия алудан үміткер
фото: sport24
Алдағы XXXIII жазғы Олимпиада ойындары келесі жылдың 26 шілдесі мен 11 тамызы аралығында Франция астанасында өтеді. Осы дүбірлі додаға қатысу лицензиясын алудан ШҚО-ның 13 спортшысы үміткер, деп хабарлайды Altaynews.kz тілшісі.
Әкімдік отырысында дене шынықтыру және спорт басқармасының басшысы Асқар Можанов айтып өткендей, жеңіл атлетика, еркін күрес, грек-рим күресі, байдарка мен каноэде есу, семсерлесу сияқты спорт түрлерінен лицензия алуға 13 спортшымыз үміткер. Бір лицензияны 86 келіге дейінгі салмақ дәрежесінде еркін күрестен спортшы Азамат Дәулетбеков жеңіп алды.
Жиында ШҚО әкімі аймақта бұқаралық спорттың дамуына ерекше назар аудару керектігін және спортқа бөлінетін қаржының толық бақылауда болуы керектігін атап өтті.
– Мемлекеттен қаржы бөлінсе, бақылауда болуы қажет. Ең бастысы – нәтиже. Сонымен қатар өңірде футболды жандандыру керек. Мәселен көрші Абай облысы бір жылдың ішінде футболдан үлкен жетістіктерге жетті, – деді Ермек Көшербаев.
Оқи отырыңыз
