Шығыс жауынгерлеріне жауапты міндет жүктелді
Ұлттық ұланның «Шығыс» өңірлік қолбасшылығына қарасты әскери бөлімдерде жаңа оқу кезеңі басталды. Әскери оркестр әнұран шырқап, жауынгерлік ту жоғары көтерілді. Өткен жылы атқарылған жұмыстарға қысқаша шолу жасаған ұландықтар биылғы жоспарды да талқыға салды, деп хабарлайды Altaynews.kz тілшісі.
Іс-шара барысында қолбасшылық басқарма офицерлері мемлекеттік-құқықтық дайындық сабақтарын өтті. Алғашқы сабақты «Шығыс» өңірлік қолбасшылығының қолбасшысы Арман Жұмағалиев жүргізді.
- Мемлекет басшысы Қасым-Жомарт Тоқаев «Біздің қарулы күштеріміз – мемлекетіміздің мызғымас тірегі» деген еді. Сондықтан біздің басты міндетіміз – ел тұтастығын сақтап, 130 ұлт өкілдері мекен ететін зайырлы еліміздің ынтымағын нығайту, - деді А.Жұмағалиев.
Жауынгерлер қауіпсіздік ережелеріне қатысты тәжірибелік сабақтарға да зейін қойды. Жаңа оқу жылында қоғамдық тәртіп пен қауіпсіздікті қамтамасыз ету бойынша жауынгерлер алдында бірқатар жауапты міндет тұр.
Оқи отырыңыз
