Үкіметтің кеңейтілген отырысының қорытындысы бойынша өткен баспасөз мәслихатында вице-премьер Тамара Дүйсенова толық емес және жалғыз басты аналарға көрсетілетін әлеуметтік көмек түрлері туралы айтты, деп хабарлайды Altainews.kz тілшісі Zakon.kz сілтеме жасап.

Қазақстанда жалғызбасты аналарға қандай әлеуметтік қолдау бар деген журналистердің сұрағына жауап берген вице-премьер Тамара Дүйсенова оларға жеке көмек түрі қарастырылмағанын түсіндірді.

Премьер-Министрдің орынбасары сондай-ақ «толық емес отбасы» термині «Тұрғын үй қатынастары туралы» заңда ғана қолданылатынын атап өтті. Бұл санатқа асыраушысынан айырылған отбасылар жатады және оларға тиісті жәрдемақы қарастырылған.

Сондай-ақ, оның айтуынша, Еңбек кодексінде жұмыс істейтін аналарға икемді режимдер қарастырылған.

                                                                        Айжанат Бақытқызы