Өскеменде әскер жасына дейінгі жастар арасында су-құтқару көпсайысы бойынша VI облыстық турнир өтті. 
Сайысқа аймақ бойынша 10 команда қатысты, деп хабарлайды Altainews.kz  тілшісі.
Алтыншы рет өткізіліп отырған облыстық турнирдің басты мақсаты - қызықты сайыс арқылы жастардың қауіпсіздікке деген жауапкершілігін арттырып, салауатты өмір салтын насихаттау. Турнирге 15 жастан 18 жасқа дейінгі мектеп оқушылары мен колледж студенттерінен құралған он команда қатысты. 

Облыстық турнирде оқушылар аралас эстафетадан бөлек 25 метрге жүзуден сынға түсті. Дәстүрлі түрде жалғасын тауып келе жатқан жарыста әр ауданнан келген үздік командалар бақ сынады. 

Облыстық турнир қорытындысы бойынша І, ІІ және ІІІ орын алған командалар естелік кубоктармен, дипломдармен, ал ойыншылар тиісті дәрежедегі медальдармен марапатталды.