Аутизмге қатысты кеңес алуға болады - Өскемен
Өскемендегі №2 емханада бүгін аутизм проблемалары туралы ақпараттандырудың Халықаралық күніне орай ашық есік күні өтеді, деп хабарлайды Altainews.kz тілшісі.
2007 жылы БҰҰ Бас Ассамблеясы 2 сәуірді Дүниежүзілік аутизм мәселесі туралы ақпарат тарату күні деп жариялады. Содан бері бұл күн әлемде аутисттердің барлық адам құқықтары мен негізгі бостандықтарын басқа адамдармен тең дәрежеде қамтамасыз ету және ынталандыру мақсатында атап өтіліп келеді.
«Ашық есік күні 5 сәуір, сағат 14.00-де Буров көшесі, 61, № 2 емханада өтеді. Бұл жерде аутизм спектрі бұзылған балалардың ата-аналары мамандардан кеңес ала алады», - деді облыстық денсаулық сақтау басқармасында.
Естеріңізге сала кетейік, статистикаға сәйкес, қазіргі уақытта облыста аутизм спектрі бұзылған 210 бала, атипті аутизмі бар 340-қа жуық бала және Аспергер синдромы бар үш бала тұрады.
Оқи отырыңыз
