Ақтөбе облысында 400-ге жуық адамнан материалдық шығынды өтеуге өтініш түскен
t.me/KZgovernment
Облыс бойынша су тасқынынан зардап шеккен 94 тұрғынға 28 млн теңге көлемінде біржолғы әлеуметтік төлемдер төленді, деп хабарлайды Altainews.kz сайтының тілшісі ҚР Үкіметінің ақпаратына сүйеніп.
Жалпы 2024 жылдың 7 сәуіріндегі жағдай бойынша біржолғы төлемді алуға 346 отбасы ниет білдірген.
Тасқыннан зардап шеккен тұрғындар мен кәсіпкерлердің материалдық залалдарын есептеу үшін Ақтөбе облысының әр ауданында жеке комиссиялар құрылды.
- Ақтөбе облысында су тасқынынан зардап шеккендерге арналған гуманитарлық көмек жинау орталығы жұмыс істейді, - деп хабарлады ҚР Үкіметінің баспасөз қызметі. - Барлығы 10 күн ішінде шамамен 300 тонна (210 тонна азық-түлік, 80 тонна азық-түлікке жатпайтын тауарлар, 0,2 тонна дәрі-дәрмек) жиналды. Оның ішінде 215 тонна тауарлар мұқтаж тұрғындарға таратылды. Гуманитарлық көмекті зардап шеккен аудандарға жеткізуге 8 524 ерікті көмектесуде.
Қазіргі уақытта Ақтөбе облысының су тасқынына қарсы іс-шаралар жөніндегі жедел штаб жұмысын вице-премьер Серік Жұманғарин үйлестіруде.
Оқи отырыңыз
