ШҚО-да зиянкестермен күреске дайындық басталды
Биыл жазда Шығыс Қазақстан облысы аумағында зиянкестермен күреске 66,2 млн қаражат бөлініп отыр. Бұл қаражат облыстық бюджеттен қарастырылған, деп хабарлайды Altainews.kz тілшісі.
«Республикалық фитосанитарлық диагностика және болжамдар әдістемелік орталығы» РММ облыстық филиалы мамандарының алдын ала жүргізген зерттеу нәтижесі бойынша, биыл 32,8 мың га аумақта аса қауіпті зиянкестер мен өсімдік аурулары таралуы мүмкін.
– Шегіртке зиянкестеріне қарсы химиялық залалсыздандыру жұмыстарының болжамды көлемі 24,1 мың га болады. Облыстық бюджеттен өңдеуге 66,2 млн теңге қаржы бөлінді. Биыл үйірлі шегірткеге қарсы залалсыздандыру жұмыстарын, яғни италиялық прусқа қарсы 9,5 мың га аумаққа жер үсті әдісімен өңдеу жұмыстарын – «Защита растений-К» ЖШС, «Бағжан» ЖК атқарады. Химиялық залалсыздандыру жұмыстары Алтай, Зайсан, Күршім, Катонқарағай, Самар, Тарбағатай аудандарында жүргізіледі. Ал азиялық шегірткеге қарсы залалсыздандыруды «АгроСЛА» ЖШС Күршім және Самар аудандарында жүргізеді, - деді ҚР АШМ АӨК мемлекеттік инспекция комитетінің ШҚ облыстық аумақтық инспекциясы басшысы Берікбол Дюсупов.
Айта кетелік, биыл химиялық залалсыздандыру жұмыстарына бір жеңіл ұшақ пен алты жергілікті бүріккіш жұмылдырылмақ. Ауыл шаруашылығы басқармасының мәліметінше, химиялық залалсыздандыруға қажетті пестицидтерді облысқа мамыр айының соңына дейін жеткізу көзделген.
Оқи отырыңыз
