ШҚО әкімдігінің құрылымында жаңа тағайындаулар
Бүгін облыс әкімдігінің кезекті мәжілісінде аймақ басшысы Ермек Көшербаев облыс әкімінің идеология және әлеуметтік мәселелер жөніндегі жаңа орынбасарын таныстырды, деп хабарлайды Altainews.kz тілшісі.
– Бұл лауазымға Президент Әкімшілігінің келісімімен бұған дейін облыс әкімі аппаратының басшысы қызметін атқарған Ербол Нұрғалиев тағайындалды, - деді Ермек Көшербаев.
Сондай-ақ өңір басшысы Риддер қаласының жаңа әкімін таныстырды. Ол -бұған дейін Ұлан ауданының әкімі қызметін атқарған Думан Рахметқалиев.
