Қаламын қару еткен карикатураның хас шебері, бірнеше халықаралық байқаулардың лауреаты, суретші Айдарбек Ғазизов оқырман қауыммен кездесіп, шығармашылығы жайлы ой бөлісті, деп хабарлайды Altainews.kz сайты.

Жерлесіміз Айдарбек Ғазизов Қазақстан Жастар Одағы сыйлығының лауреаты, карикатура жанры бойынша бірқанша Халықаралық байқауларға қатысып, жеңімпаз атанып келе жатқан өнер иесі. Шығыс Қазақстан облыстық балалар және жасөспірімдер кітапханасында болған кездесу барысында оқырман қауыммен ой бөлісіп, өзінің шығармашылық ғұмырнамасы жайлы сыр шертті.

Иә, бүгінгі таңда қылқалам  шеберінің туындалыры әлем жұртының төрінде, интернет әлемінің биігінде тұр. Қылқалам шебері әлі де қаламын қолдан тастамаған. Өнер иесінің айтуынша, байқауларға жүлде үшін емес, туындысын жалпақ жұртқа тарату үшін қатысады. Қазірдің өзінде көптеген кариактуралық туындыларын интернет арқылы көптеген елдердің оқырмандары пайдаланып келеді. Автордың шығармашылығы туралы кең көлемді сұхбат кейінірек жарық көретін болады.