Зайсанда білім беру мекемелері жылыту маусымына дайындалуда
Шалғайдағы Зайсан ауданы жылыту маусымына дайындықты ерте бастап кетті. Жалпы Зайсан ауданы бойынша 35 білім беру мекемесі бар. Олардың барлығы да қыстың қамына ерте кірісіп, кейбірі көмір сақтайтын қоймаларын жөндеп жатыр, деп хабарлайды Altainews.kz тілшісі.
Зайсан ауданы білім беру мекемелерінде 2024-2025 жылғы жылыту маусымына дайындықты бастап кетті. Жалпы Зайсан ауданы бойынша 27 мектеп, 2 қосымша білім беру мекемесі, 6 мемлекеттік балабақша бар, яғни, барлығы 35 білім беру мекемесі бар. Оның 15-і тас көмірмен, 9-ы табиғи газбен, 8-і электр қазандығымен жылытылса, 3-еуі орталық жылу жүйесіне қосылған.
– Жылыту маусымында білім беру мекемелеріне жалпы 6479 тонна көмір қажет. Оның 5377 тоннасы мектептер мен балабақшаларға, ал 1102 тоннасы технологиялық колледжге арналады. Қазіргі уақытта жылыту маусымына дайындық жұмыстары жоспарлы түрде жүргізілуде. Амангелді, Абай, Мукарама орта мектептерінде көмір сақтайтын жаңа орындар дайындалып жатыр, – деп жазды Зайсан ауданы әкімдігі әлеуметтік желідегі парақшасында.
Оқи отырыңыз
