Колледждер базасында шағын кәсіпорындар құрылып жатыр
Фото: ҚР Оқу-ағарту министрлігі
Қазақстандық колледждер базасында студенттердің кәсіпкерлік, бизнес-жоспарлау және стартап жобаларды дамыту бойынша білім алуына жағдай жасау мақсатында шағын кәсіпорындар құрылуда, деп хабарлайды Altainews.kz тілшісі.
ҚР Оқу-ағарту министрлігі баспасөз қызметінің ақпараты бойынша, енді колледждер өз базасында шығарған тауарлар мен қызметтерден табыс таба алады. Студенттер жиһаз жасау, тігін тігу, кондитерлік және нан-тоқаш өнімдерін пісіру секілді кәсіптерді игере отырып, оны кіріс көзіне айналдыру дағдыларын да меңгереді.
«Бұл кәсіпорындар студенттерге түрлі кәсіби дағдыларды игеруге, оның ішінде коммуникация құруға, жобаларды басқаруға, маркетинг және қаржы бойынша білім алуға және алған білімдерін іс жүзінде қолдануға мүмкіндік береді. Шағын кәсіпорындар есебінен түскен қаражат оқу орындарының материалдық-техникалық базасын нығайтуға жұмсалады, бұл олардың дамуына және білім беру сапасын арттыруға ықпал етеді», - деп атап өтті Техникалық және кәсіптік білім департаментінің директоры Әсет Мұханбетов.
Қазіргі уақытта Техникалық және кәсіптік білім беру ұйымдары базасында 26 шағын кәсіпорын жұмыс істейді. Жыл соңына дейін тағы 14 жаңа кәсіпорын ашу жоспарланып отыр.
Оқи отырыңыз
Еліміздің колледждеріне 500-ден астам қазақстандық кәсіпорын қолдау көрсетедіСтуденттік орталықтарда 167 стартап пен бизнес-идеялар іске асырылудаҚазақстандағы GIZ өкілдігінің мүшелерімен білім берудің дуалды жүйесі тақырыбында кездесу өтедіКолледж студенттері Германияда тағылымдамадан өтуге мүмкіндік аладыШҚТУ-да елдегі инженерлік білімінің жаңа тұжырымдамасы талқыланды
