Техникалық қызметкерлер мен IT-мамандар француз тілін тегін оқиды
Фото: cref.ru
Қазақстандық техникалық қызметкерлер мен IT-мамандар бір жыл бойы тегін француз тілі курстарынан өте алады.
Тілдік даярлық Астана, Алматы, Қарағанды, Қостанай және Шымкент қалаларында орналасқан Француз Альянсының орталықтарында өтеді, деп хабарлайды Altaynews тілшісі «Халықаралық бағдарламалар орталығы» АҚ баспасөз қызметіне сілтеме жасап.
«Халықаралық бағдарламалар орталығы және Францияның Қазақстандағы Елшілігі арасындағы келісімнің арқасында қазақстандық техникалық қызметкерлер мен IT-мамандар бір жыл бойы тегін француз тілі курстарынан өтуге мүмкіндік алды. Бұл – француз тілін бастауыш деңгейден меңгеруді қалайтындар үшін, сондай-ақ кәсіби деңгейде меңгеруге ниет білдіретіндер үшін тамаша мүмкіндік», – деп атап өтті Халықаралық бағдарламалар орталығының Басқарма төрағасы Олжас Сәкенов.
Конкурстық іріктеуге жасы 35-ке толмаған инженерлік-техникалық саладағы жас мамандар қатыса алады. Сонымен қатар үміткерлер дипломының орташа балы – GPA кемінде 4.00-ден 3.00 болуы керек.
Конкурсқа қатысу үшін өтінімдер осы жылдың 25 маусымына дейін қабылданады.
Оқи отырыңыз
