Қант диабетімен шалдыққандарға ТМККК шеңберінде көрсетілетін көмек жайлы облыстың бас эндокринологы айтып берді.

Қант диабеті медициналық сақтандыру жүйесіндегі сақтандыру мәртебесіне қарамастан, ТМККК шеңберінде және МӘМС есебінен барлық медициналық көмек көрсетілетін бекітілген әлеуметтік маңызы бар аурулардың тізбесіне кіреді. Бүгінде Шығыс Қазақстанда (Абай облысымен қоса есептегенде) 36 616 тұрғын қант диабетінің екінші типті жағдайымен диспансерлік есепте тұрса, оның 1647 – бірінші типті, және 300-ден астам балалар мен жасөспірімдер есепте тұр, деп хабарлайды Altaynews тілшісі.

Бүгінгі таңда қант диабеті – ҚР-дағы ең қымбат әлеуметтік маңызы бар аурулардың бірі.

Естеріңізге сала кетейік, инсулинге тәуелді 1 және 2 типті ҚД бар барлық пациенттер ТМККК шеңберінде жеңілдікті препараттармен және медициналық бұйымдармен, оның ішінде инсулиндермен, тест-жолақтармен, инсулин сорғыларымен қамтамасыз етілген.