Биыл Согра ауданындағы тұрғын үйлердің ауласы абаттандырыла ма? Өскемен әкімі тұрғындар сауалына жауап берді, деп хабарлайды Алтайньюс тілшісі.

Согра шеткі аудандардың бірі болғандықтан, тұрғындарды мазалайтын басты мәселе – жол, жарық, үйдің ауласы. Аудан халқының айтуынша, жолдар біртіндеп жөнделіп, жарықтандырылып жатыр. Бұл мәселе бойынша әлі де атқарылатын шаруа көп, бірақ өткен жылғы жемісті жұмыс жалғасады деп сенеді олар.

– Енді «Менің аулам» жобасы бойынша биыл да тұрғын үйлердің ауласы жөнделе ме? –деп сұрады қала әкімінің есептік кездесуіне қатысқан тұрғын Жанаргүл Сейтқазина.

– Сіздердің тараптан ауланы абаттандыруға байланысты бес өтініш келіп түскен екен. Оны комиссия қарап жатыр. Шешім наурызға қарай қабылданады. Негізі биыл кемінде үш үйдің ауласы жөнделуі тиіс, – деп жауап берді Жақсылық Омар.