Тәуелсіздігінің 29 жылдығы қарсаңында  Аягөз қаласында "Нұрлы жер" мемлекеттік бағдарламасы аясында бой көтерген 2 бес қабатты 60 пәтерлі тұрғын үй пәтерлерінің кілттері табысталды.  Пәтер кілттері баспанаға мұқтаж азаматтар тізіміндегі көпбалалы отбасылар, мүмкіндігі шектеулі жандарға, жетім жандарға үлестірілді. 
Құрылысқа жауапты мердігер - "DK Proekt" жауапкершілігі шектеулі серіктестігі.  Құрылыс нысанының  жалпы ауданы 9038,8 шаршы метрды құрайды.  Барлығы 120 пәтер. Оның 40-ы - бір бөлмелі, 40-ы - екі бөлмелі, тағы сондай 40-ы - үш бөлмелі. 

- Қазіргі таңда аудан бойынша баспана кезіегінде 1162 адам тұр. Соның 120-сы кеше үй кілтін алды. Алдағы уақытта көпбалалы отбасыларға арналған «Бірқабатты Шығыс» бағдарламасы аясында бой көтерген екі пәтерлі 10 тұрғын үйдің кілттері табыстау жоспарлануда, - дейді аудан әкімі Сейілбек Ысқақов.

2021 жылы екі бес қабатты 60 пәтерлі және «Бірқабатты Шығыс» бағдарламасы аясында 50 екі пәтерлі (100 пәтер) тұрғын үй салу көзделген.