Ағымдағы жылдың қаңтар айының ортасында «Құқықтық тәртіп» жедел-профилактикалық іс-шарасын жүргізу барысында Риддер полиция қызметкерлері есірткіні сақтады деген күдікпен өз үйінің подъезінде 31 жастағы жергілікті тұрғын ұстады.

Тұрғынның пәтерін тінту барысында жуыну бөлмесінен екі пластмасса бөтелке, темекі шегуге арналған құрылғылар және қоңыр түсті қатпарлы металл ыдыс табылып, тәркіленді.

Сондай-ақ, раковинаның астындағы жиһаздан пластикалық бөтелкенің сынықтары, оның ішінде қоңыр-жасыл түсті өсімдік тектес зат бар шүберек материал табылды.

- Сарапшының қорытындысына сәйкес, тәркіленген зат жалпы салмағы - 28,47 грамм «кептірілген марихуана» есірткі құралы болып табылады. Бүгінгі күні қаскөйге қатысты ешқайда кетпеу туралы қолхат бұлтартпай шарасы таңдалды, - деп хабарлайды ШҚО ПД баспасөз қызметі.

Аталған факті бойынша ҚР ҚК-нің 296-бабының 2-бөлігі – «Есірткі құралдарын, психотроптық заттарды, сол тектестерді өткізу мақсатынсыз заңсыз сатып алу, сақтау, тасымалдау» бойынша сотқа дейінгі тергеу басталды, осы баптың санкциясы бойынша 40 тәулікке дейінгі мерзімге қамауға алу көзделген.