2 күннен бері әлеуметтік желілерде жас қыздардың төбелескен видеосы таралды. Бейнежазбада белгісіз қыз бала екінші қызды аяусыз соққыға жықты.

Қыздардың кәмелет жасқа толмағаны, ал жасөспірім қызды соққыға жыққан ару қаладағы мектептердің бірінде оқитыны белгілі болды, деп хабарлайды Altaynews тілшісі.

Сондай-ақ мұндай жағдай алғаш рет орын алмағаны, зардап шеккен қызға осы уақытқа дейін де қоқан-лоқы көрсетілгені анықталып отыр. Тіпті оған дәлел болатын бейнежазбалар да табылған.

Қазіргі таңда мектеп оқушысы есепке алынып, онымен психологтар, құқық қорғау органдарының өкілдері және мектеп әкімшілігі жұмыс істеп жатыр.

Айта кету керек, оқушыны мектептен шығару қарастырылған жоқ, ол қазір 9-сыныпта болғандықтан, оқуын аяқтауға мүмкіндік берілген.