Абай облысында балалар жылы аясында "Көп балалы аналар сайысы" өтті, деп хабарлайды Алтайньюс тілшісі.

Сайыста Өскемен қаласының намысын  "Жан Ана" қоғамдық бірлестігінің төрайымы Гүлжамал Бершімбекова бастаған "Томирис – Тұмар" командасы қорғап шықты.

Балаларды музыка мен биге үйретуге аналардың қызығушылығын арттыру, отбасылық және мәдени дәстүрлерді сақтау және арттыру мақсатында өткен байқауда "Томирис" командасының қатысушылары 1-орынды иеленді.

Олар өз қолымен тігілген әдемі костюмдерімен, әртістігімен, өзін көрсете білуімен таң қалдыра білген.