Өрт шыққан пәтерден қарт әйел құтқарылды – Өскемен
Облыс орталығындағы Астана көшесінде бес қабатты тұрғын үйден өрт шығып, 10 адам эвакуацияланды.
31 наурыз күні Астана көшесіндегі көппәтерлі тұрғын үйдің үшінші қабатындағы пәтерден өрт шыққан, деп хабарлайды Altaynews тілшісі.
Оқиға орнына дереу арада жеткен құтқарушылар кіреберісте барлау жүргізу барысында қарт әйелді тауып, сыртқа шығуға көмектескен.
Ал өрт сөндірушілер тұрғын үйден 10 адамды эвакуациялады.
Пәтердегі жиһаз, жеке заттар және балкон мен көршілердің балконы ішінара жанған. Құтқарушылардың жедел іс-қимылымен жалпы ауданы 33 шаршы метрге жайылған тілсіз жауды ауыздықтады. Оқыс оқиғаның алдын алу үшін 15 адам және 5 техника жұмылдырылды, дейді ШҚО ПД баспасөз қызметі.
Өрт темекі шегу кезінде өрт қауіпсіздігі талаптарын сақтамау салдарынан шығуы мүмкін.
Оқи отырыңыз
