Өскемендік оқушы Темірлан Байболов информатика пәнінен халықаралық олимпиадада екінші орын алды, деп хабарлайды Altaynews тілшісі.

Олимпиада 13-19 қыркүйек аралығында өтті. Оған әлемнің 80 елінен командалар қатысқан екен.

Темірлан – дарынды балаларға арналған мамандандырылған «Білім-Инновация» лицей-мектебінің оқушысы, көптеген республикалық, халықаралық олимпиадалардың жеңімпазы. Ол ҚР ұлттық құрамында олимпиадаларға екінші жыл қатарынан қатысып келеді.

Олимпиада екі кезеңде өтті. Қатысушылар алгоритмдік тапсырмалар орындау арқылы информатика және ақпараттық коммуникациялық технология бойынша түрлі дағдыларын көрсетеді.

Олардың біліміне әрі түрлі елдердің өкілдерінен құрылған халықаралық әділ қазы алқасы баға берді. Олимпиада қорытындысы бойынша, өскемендік Темірлан Байболов күміс медальді иеленіп отыр.