ШҚО-ның аудан, қалаларында ауыл шаруашылығы өнімдерінің жәрмеңкелерін өткізуге рұқсат берілді.

Алайда қатаң тәртіп те сақталуы тиіс, деп хабарлайды ШҚО тауарлар мен көрсетілетін қызметтердің сапасы мен қауіпсіздігін бақылау департаментінің баспасөз қызметі

Айта кетейік, жәрмеңке аумағына маскасыз келген келушілерді де, сатушылар да жіберілмейді.

- Шығыс Қазақстан облысы аумағында жәрмеңкелер ұйымдастырып өткізу үшін санитарлық-эпидемиологиялық талаптарды сақтай отырып және коронавирустық инфекцияның таралу қаупінің алдын алу бойынша санитарлық-профилактикалық іс-шараларды өткізу қажет, - дейді департамент мамандары.

Сондай-ақ, жәрмеңке өткізу кезінде көпшіліктің жиналуына еріксіз ықпал ететін мерекелік (концерттік) іс-шаралар ұйымдастыруға болмайды.

Жармеңке өткізу үшін келесі нұсқаулар орындалуы тиіс:

- Кіре берісте әрбір сатып алушы мен сатушының дене температурасына байланыссыз бақылау жүргізу, жоғары температурасы және ЖРВИ белгілері бар адамдардың сауда алаңына кіруіне жол бермеу.

-  Жәрмеңке аумағына маскасыз келген келушілерді де, сатушыларды да жібермеу керек.

-  Пайдаланылған жеке қорғану құралдары (маскалар, қолғаптар) үшін алаң аумағында арнайы контейнерлер орнатып, артынша дезинфекциялық құралмен зарарсыздандырылғаннан кейін оларды кәдеге жарату.

- Санитариялық-эпидемиологиялық талаптарды сақтау жөніндегі ақпараттық баннерлерді көрінетін орындарда орналастыру.

- Қауіпсіз әлеуметтік қашықтық арқылы кіру, шығу және сауда алаңындағы адамдардың қозғалысын қиылыспайтын жолдармен ұйымдастыру (аумақтың бір жағынан – кіру, екінші жағынан – шығу. Еденде тиісті белгілерді, сондай-ақ жолдарды бағыттау және әлеуметтік қашықтықты сақтау үшін қоршаулар мен ленталар жасау.

- Адамдар көп жиналатын жерлерде әлеуметтік қашықтықты қамтамасыз ету үшін едендік белгілерді (сөрелердің алдында, бақылау таразыларында, биодәретханаларда және т.б.) кемінде 1,5-2 метр етіп орнату қажет.

- Сауда алаңы аумағында тері антисептигі бар санитайзерлерді оңай қолжетімді жерлерде және әрбір сөренің жанына орнату.

-  Сатушылар арасындағы әлеуметтік қашықтық кемінде 1,5-2 метр болуы керек.

- Сатушылар арнайы киіммен қамтамасыз етілуі керек. Келушілерге маска киіп, оны әрбір 2 сағат сайын ауыстырып, ауысымына кемінде екі рет ауыстыруға жататын бір реттік қолғаптармен және бүтіндігі бұзылған жағдайда қолды антисептиктермен өңдей отырып қызмет көрсету. Медициналық тексеруден өткен және жұмысқа жіберілген жеке медициналық кітапшасы болуы керек.

- Өнімнің сапасы мен қауіпсіздігін растайтын ілеспе құжаттар (сәйкестік сертификаттары, декларациялар, фитосанитариялық және ветеринариялық анықтамалар) болған жағдайда ғана тамақ өнімдерін сатуға жіберу.

- Тез бұзылатын тамақ өнімдерін (ет, шұжық, тоң май, сүт өнімдері) сату үшін сауда орындарын тамақ өнімдерінің әрбір түрін сақтап, температуралық режимін қамтамасыз ететін салқындату немесе тоңазыту жабдықтарымен (сөрелермен, витриналармен, шкафтармен) жарақтандыру қажет.

- Ет және балықты шабатын арнайы орындардың беті тегіс, жарықсыз (қатты ағаш түрлерінен) болуы керек. Жерге ет, балықты кесуге, бөлуге қатаң тыйым салынады.

- Клиенттерге қызмет көрсету процесінде әр түрлі қызметтер үшін жеке таңбаланған кесу тақталарын, пышақтарды және басқа жабдықтарды қолданыңыз.

Тамақ өнімдерін жеміс-көкөніс өнімдерін қоспағанда, алдын ала өлшеніп оралған түрде сату. Нан-тоқаш, кондитерлік, аспаздық және басқа да өнімдер тек оралған түрде ғана сатылуы тиіс.

Жәрмеңке аумағын тәртіп пен тазалықта ұстау. Сауда алаңы аумағын және сөрелердің айналасын жинау қажеттілігіне қарай жұмыс күні ішінде жүргізу керек. Жұмыс күні аяқталғаннан кейін алаң аумағын жинап, міндетті түрде жуу және дезинфекциялау құралдарын қолдана отырып жүргізілуі тиіс.