ШҚО-да 2023 жылға дейін жеті жаңа жатақхана салынады, деп хабарлайды Altaynews тілшісі.

Бұл жатақханалар ЖОО мен колледж студенттеріне арналған.

2018-2019 жылдары Семейдің колледждері мен Д.Серікбаев атындағы ШҚМТУ студенттеріне арналған екі жатақханаға қолданысқа берілген болатын. Аймақта студенттерге жалпы 1052 жаңа орын пайда болды.

Енді 2020-2022 жылдар аралығында тағы жеті жатақхана салу жоспарланған. Биыл облыс орталығында – 458, Семейде – 288 жаңа орын құрылды. 2021 жылы Өскемен мен Аягөзде екі жатақхана тұрғызылады. 2022 жылы үш жатақхана ашылады деп күтілуде.