Өскемендегі Назарбаев даңғылындағы көпқабатты үйлер бір түске боялады, деп хабарлайды Алтайньюс тілшісі.

Қазіргі уақытта Назарбаев даңғылын абаттандыру жұмыстары жүріп жатыр. Бірінші кезекте даңғыл бойындағы сәкілер жөнделіп, Стаханов көшесінен Гагарин бульваріне дейінгі аралықтағы тротуар кеңейтіледі. Шәкәрім даңғылы жағындағы қоршаулар ауыстырылады. Екінші кезекте кәсіпкерлік нысандар мен үйлердің қасбеттері еуропалық стильде безендірілмек.    

– Әуелі тротуарларды кеңейтіп, жаяу жүргіншілер жолын жөндейміз. Содан кейін үйлердің қасбеттерін безендіріп, шатырларын жөндейміз. Ғимараттар ашық қоңыр түске бояймыз, – дейді «NC Corporation» ЖШС директоры Бекзат Тұрдыбаев.