Нұрсұлтан Назарбаев даңғылындағы абаттандыру жұмыстары жаңа кезеңге көшеді, деп хабарлайды Altaynews тілшісі.

Биыл жұмыспен қамтудың жол картасын жүзеге асыру даңғылда ауқымды абаттандыру жұмыстарын жүргізуге мүмкіндік берді. Ең алдымен мұнда төрт сквер салынды. Электр тауарлары дүкенінің маңындағы сквер тұрғындардың көңілінен шығып отыр. Алдағы уақытта тағы үш сквер қолданысқа беріледі.

Екінші кезең бойынша Металлургтер мәдениет сарайы ауданында, Стахановская және Металлургтер көшелерінің арасында жаяу жүргіншілерге арналған аллея құрылысы қолға алынды.

Сондай-ақ, Электр тауарларынан бастап Бажов көшесіне дейінгі аралықта жекеменшік құрылыстардың бойына қоршау жасалады. Ұзындығы 1500 метрге жететін қоршау бір стильде жасалатындықтан көшенің ажарын ашып, біркелкі кейіп береді.