Шығыс Қазақстан коронавирусты жұқтырған тағы 1 адам анықталды, деп хабарлайды Altaynews тілшісі.
⠀
Ол - 1972 жылғы Семей қаласының тұрғыны. Ер адам бұған дейін коронавируспен ауырған адаммен байланыста болған азаматтар тобына кірген.
⠀
Ұлттық сараптама орталығының филиалында ПТР әдісімен өткізілген сараптама коронавирус инфекциясының оң нәтижесін көрсетті. Қазіргі уақытта науқас оқшауланып, ем алуда. Онымен қарым-қатынаста болған адамдар анықталып, барлығы медициналық бақылауға алынуда.
Ауру ошақтарында дезинфекциялық жұмыстар жүргізілді. Эпидемияға қарсы шаралар жалғасуда.
⠀
Облыста коронавирусты жұқтырғандардың саны 57 адамға жетті, оның ішінде емделіп шыққандар саны – 21.
⠀