Қазақстанда соңғы қоңырау мен түлектерге аттестат беру 3-4 маусымда өтеді, деп хабарлайды Altaynews тілшісі.

Іс-шаралар мектептердің ауласында ұйымдастырылмақ.

Бұл туралы премьер-министрдің орынбасары Ералы Тұғжанов мәлімдеді.

- Жыл соңына дейін 3,3 миллион оқушы мен 1 миллион студент үшін қашықтықтан оқыту бойынша жұмыстар жалғасады. Аттестат беру мен соңғы қоңырау 3-4 маусымда мектептердің ауласында өтеді. Адам саны шектеулі болуға және санитарлық нормаалар қатаң сақталуға тиіс, - деді Ералы Тұғжанов.

Сонымен қатар, оның айтуынша, биыл ҰБТ-ны штаттық режимде 20 маусымда өткізу жоспарланған. Тест тапсыру пункттерінде қатаң санитарлық ережелер сақаталады.