Өскемен көшелеріне түнгі уақытта дезинфекция жасалып жатыр. Бұл туралы қала әкімі Жақсылық Омар әлеуметтік желіде хабарлады.

"Арнайы топ әр күні түнгі уақытта белгіленген аумақты дезинфекциялайды. Бұл - вирустың таралу қаупін сейілту үшін істеліп жатқан шара. Негізінен тротуар, аялдама сынды жаяу жүргіншелер көп жүретін жерлерді тазартуға баса күш саламыз", - деп жазды ол.

Айта кетейік, бүгінге дейін Нұрмағамбетов, Горький, Чехов, Арбат,  Сәтпаев, Молдағұлова, Энтузиастов, Зайсан, Базовая, Рижская көшелері тазартылды.