Санавиация экипажы Өскеменге Марқакөлден алты жастағы баланы жеткізді, деп хабарлайды Altaynews тілшісі.

Ата-анасы алдымен баланы Күршімге әкелген екен. Баланың жағдайы ауыр болған. Қазір ол Ана мен бала орталығында пневмониядан емделіп жатыр. Коронавирус инфекциясы анықталмапты.

- Жағдайы орташа ауыр. Екі рет анализ алынды. Коронавирус инфекциясының белгілері анықталмады, - дейді Ана мен бала бас дәрігерінің орынбасары Мелания Халитова.