Өскеменде сәуір айынан бастап жол таңбалары жаңартылады, деп хабарлайды Altaynews тілшісі.

Қазіргі таңда сәйкес жұмыстарды орындайтын мердігерді анықтау бойынша конкурстық процедуралар өткізілуде.

Әсіресе, Сәтпаев даңғылындағы жол таңбаларының жоқтығы елді алаңдатады. Жол өте кең, онымен жүру қиынға соғатыны белгілі. Сәйкес таңбалар көктем-жаз мезгілдерінде ауа райының жағдайына қарай түсіріледі екен.

Өскемен қалалық полиция басқармасы жол-техникалық инспекциясы бөлімінің бастығы Сергей Коваленконың айтуынша, бұл жұмыстар сәуір айында басталмақ.