ШҚО-дағы Халифа Алтай мешітінің діни қауымы гуманитарлық жүк жинады. Бұл карантин кезінде халыққа көмек көрсету мақсатында ұйымдастырылған еліміздегі алғашқы шара, деп хабарлайды Altaynews тілшісі.

- Алғашқы қажеттілікке жататын азық-түліктен 600 жәшік жиналыпты – жарма, қант, тұз, ұн, май және т.б. Азық-түліктер жиынтығы 14 күнге жетеді, - дейді облыстың бас имамы Ермек Мұқатай.

Барлық жәшіктер герметикалық қапталған. Олар тікелей зейнеткерлердің пәтеріне жеткізіледі. Бүгін гуманитарлық керуен Нұр-Сұлтанға жіберілмек. Мұндай шаралар алдағы уақытта әлі де жалғасын табады.