Глубокое ауданында «снегоход» аударылып, 8 жастағы қыз бала қаза тапты. Бұл туралы Полиция департаментінің баспасөз қызметі хабарлады.

Оқиға туралы ақпарат аудандық полиция бөліміне 5 ақпан күні жеткен.

– Малоубинка ауылының 35 жастағы тұрғыны 8 жастағы қызымен бірге ауыл маңында «снегоходпен» апатқа ұшыраған. 2012 жылы туған қыз бала дене жарақатын алып, сол жерде көз жұмған, – делінген ПД ақпаратында.

Құзырлы органның мәліметінше, оқиғаның анық-қанығы әлі де тексеріліп жатыр.