Өскеменде наурыз айында трамвай рельстерін жөндеу жұмысының жобасына байланысты қоғамдық тыңдау өтеді, деп хабарлайды Алтайньюс тілшісі.

Қазақстан көшесіндегі (Мыза көшесінен Қабанбай батыр көшесіне дейін) және Нұрмағамбетов көшесіндегі трамвай рельстерін жөндеу жоспарланып отыр.

– Осыған байланысты 13 наурыз күні 10.00-де қоғамдық тыңдау өтеді, – деп мәлімдеді қалалық жолаушылар көлігі және автомобиль жолдары бөлімі.

Қоғамдық тыңдау Қазақстан көшесі 154б мекенжайында өтеді.