Қазақстанда бір айда 99 адам жол апатынан  қаза тапты, деп хабарлайды Алтайньюс тілшісі.

 Finprom.kz сарапшылары мәлімдеуінше, 2020 жылдың бірінші айында 908 жол апаты тіркелген. 1,3 мың адам зардап шеккен. 

Өңірлер арасында төтенше жағдай бойынша Алматы қаласы көш бастап тұр – 259 жол-көлік оқиғасы. Одан кейін Алматы облысы, 119 жол апаты. Шығыс Қазақстан облысында бір ай ішінде 80 жол апаты болған. Одан 146 адам зардап шекті. 

Сондай-ақ жалпы республика көлемінде апат саны артқанын айта кету керек. Егер 2018 жылы 15,8 мың жол-көлік оқиғасы тіркелген болса, 2019 жылы 16,6 мың болды.