Өскемен әуежайы тек түнде ғана жұмыс істейтін болады, деп хабарлайды Алтайньюс тілшісі.

2021 жылы Өскемен әуежайының рейстері түгел кешкі және түнгі уақытқа ауыстырылады. Себебі әуежайда жөндеу жұмыстары жүргізіледі. Ұшып-қону жолағын 2 800 метрге дейін ұзарту жоспарда бар. Сондай-ақ уақытша сақтау қоймасы, жүк терминалы, жылу трассасы жаңартылады. Осыдан кейін әуежай халықаралық болмақ.

Облыстық көлік және автомобиль жолдары басқармасының мәлімдеуінше, жөндеу жұмыстары осы жылдың жазында басталып кетеді. Жөндеудің жалпы құны – 10 миллиард теңге.