Риддер қаласында биатлоннан облыстық чемпионат өтеді, деп хабарлайды Алтайньюс тілшісі.

25-28 қаңтар аралығында Риддер қаласында биатлоннан облыс чемпионаты өтеді. ШҚО Дене шынықтыру және спорт басқармасының мәлімдеуінше, Абайдың 175 жылдық мерейтойы қарсаңында өтетін сайыста өңірдің түкпір-түкпірінен жиналған спортшылар күш сынасады.

Спортшылар үш күннің ішінде биатлонның үш түрі бойынша сынға түседі. Айталық, спринтерлік жарыс, жарыса аңду және жекелей жарыс.

Ұйымдастырушылардың айтуынша жыл сайын қатысушылар саны артып келеді. Соның ішінде Риддер мен Семейдің шаңғышы-сұрмергендері алдыңғы қатарда.

Жарыс жеңімпаздары 6-17 ақпанда Шу қаласында өтетін ел чемпионатына қатысады.