Қазақстанда бензин қымбаттады, деп хабарлайды, Алтайньюс тілшісі.

Tengrinews-тің мәлімдеуінше, қазір «ҚазМұнайГаз» жанармай құю станцияларында АИ-92 бензинінің бағасы 154 теңгеге жетті. Мұның алдында елордадағы жанармай құю станцияларында бұл бензин 152 теңге тұрған көрінеді.

Ал «Колеса»-ның деректері бойынша, Sinooil бекеттерінде АИ-92 150 теңгеден, Helios пен Royal Petrol-да 149 теңгеден сатылып жатыр.

Сондай-ақ әлеуметтік желіге жүктелген суреттерден кейбір жерлерде АИ-92-нің құны 158 теңгеге дейін көтерілгенін байқауға болады.

Еске салайық, бұған дейін Ұлттық экономика министрлігінің Салық және кеден саясаты департаментінің директоры Азамат Амрин бензин акцизі 6 пайызға өсетінін айтқан еді.